《復仇者聯盟4》熱潮 李佳芯飲恨買唔到飛

20190424
東網電視
更多新聞短片
可以考慮吓!
全球期待已久嘅漫威超級英雄大作《復仇者聯盟4:終局之戰》(Avengers:Endgame)今日於中港台上映,一眾漫威迷為咗以防「被劇透」,晨早就買定飛第一日睇!圈中唔少藝人今日早就入戲院做第一批觀賞者,睇完仲即刻喺社交網「匯報」,好似歌手何雁詩、C君與未婚妻黃天頤、台灣天團五月天主音阿信等,成個網被《復仇者》洗版!何雁詩晒出心心眼、喊、笑同驚訝四個表情,表達看後感;C君就囂張表示唔怕大家劇透;而阿信呢個漫威迷更瘋癲到睇清晨六點早場,認真誇張!
不過,有人歡喜有人愁,藝人李佳芯慢人一步,買唔切今日上演嘅場次,朱千雪就留言叫買D1個單丁位!其實今日睇唔到又唔使咁Sad嘅,又唔係好似演唱會得一、兩場,大不了咪「被劇透」,冇事嘅!