準備出寫真？BINGO騷腿晒比堅尼都OK

女子組合BINGO三位成員Carman（關嘉敏）、Odilia（陳康琪）和Queena（夏子涓），到深水埗出席新歌《後街女孩》發布會，穿短褲晒長腿表演，她們表示上一次出新歌是大半年前的國語慢歌，今次的跳舞快歌迎接夏天，覺得分外合適，她們說：「我哋都要Keep Fit迎夏天，Keep個身形去遊船河，可能互相影吓啲私人寫真。（唔影公開寫真？）我哋都鍾意影相，但要睇公司決定。（性感尺度係點？）比堅尼都OK，但太性感又未必啱我哋，都係適合有型晒長腿。」講到組合由以往的五人變成現時的三人，Carman笑言可分更多錢，而她們將有個人工作，分別為ViuTV拍劇及參與節目。

講到新歌MV點擊已達24萬，相當受歡迎，她們表示MV以遊戲「食雞」做主題，吸引不少粉絲好奇點擊：「我哋仲搵咗三個男仔客串扮我哋，有好肥又有好瘦，我哋仲有揸真槍，模擬晒個打機畫面。」BINGO更即場與粉絲玩鬥快食雞。