復仇者聯盟4：蟻俠親民簽名　睇真啲笑爆嘴

超級英雄大片《復仇者聯盟4：終局之戰》（Avengers：Endgame）全球火熱上映，連日嚟一班演員喺唔同地方出席首映活動，呢日喺洛杉磯發生咗件爆笑事。話說飾演「蟻俠」嘅保羅魯特（Paul Rudd）行紅地氈時好親民咁不停幫粉絲簽名，不過睇真啲，佢竟然係掉轉支Marker筆嚟揸，見佢用筆尾喺粉絲準備嘅海報到「簽名」，當時粉絲都冇留意自己攞唔到簽名，好彩佢仲把握到機會同保羅魯特影咗張自拍，如果唔係呢位粉絲就真係得個吉！