《華麗轉身》結緣!鍾嘉欣力撐劉松仁舞台劇

20190427
東網電視
更多新聞短片
劉松仁籌備嘅音樂舞台劇獲唔少圈中好友支持。
由藝人劉松仁籌備兩年多的音樂舞台劇《利瑪竇》自公演以來都叫好叫座,獲得不少圈中人捧場,包括陳寶珠、鍾嘉欣、黃浩然、曹永廉、林盛斌(Bob)、梁競徽、王君馨、麥嘉等,而鍾嘉欣因為跟劉松仁和王梓軒合作無綫劇集《華麗轉身》而熟落,她知道松哥為此舞台劇花了很多心機、時間,所以趁在港便特意前來打氣,之後便趕回家湊小朋友。
同與梓軒分屬好友的黃浩然、曹永廉、梁競徽等約埋齊齊捧場,浩然說:「啱啱睇完,阿廉係冇呢個藝術氣質,我就專登買飛請阿廉睇,咁當然係好感動,我對呢個團隊好佩服,松哥花咗好多時間,我諗除咗利瑪竇呢個人係偉大嘅大愛,同大家分享愛,我覺得好值得我哋去尊敬,亦都希望大家將呢個訊息傳開去。」阿廉說:「今次個舞台劇對我有好多啟發,大家都係帶出一個愛,好感人,成班演員真係佩服到不得了,梓軒真係不得了…」浩然更笑指:「頭先阿廉都喺度諗,你畀二千萬佢,佢做唔做得到呢?」阿廉亦笑笑口指要二千多萬!
而與梓軒合作《兄弟幫》的好兄弟阿Bob說:「我今日嚟支持王梓軒,我覺得佢嘅表現非常非常之好,成個劇嘅製作,台前幕後嘅製作真係一百分。(睇完之後有咩領悟?)四個字,殊途同歸,唔同嘅宗教或唔同嘅派別,係因為世俗人要將佢唔同嘅群族、唔同嘅國家,要將佢分開,原來講嘅係一模一樣,呢個理論對我嘅感受好深,特別係最尾嗰一幕,我見到全場人揮動嗰個小小嘅種籽,成個畫面都好美麗,仲有做使者嘅何洋,把聲好正!」
----------------------------
東網巨星開咗ig喇,大家快啲follow啦!