【劇透X全家】張振朗連睇兩次《復仇4》

《復仇者聯盟4》掀起全城熱潮，唔少男女老幼嘅漫威迷都急不及待去睇，因為怕劇透冇驚喜，一眾網民仲肉緊到話「劇透死全家」，非常嚴重！

藝人張振朗呢個漫威迷前日趁唔使開工已經去咗睇，仲喺海報前影相，並抵死喺社交網留言：「放假第一件事！我知道劇透者一定死硬！所以我冇睇過，我冇影過相。」而尋日張振朗又入戲院睇多次，原來今次係陪兩個姪仔，三個又再喺海報前擺出甫士，留言謂：「放假第二樣要做嘅嘢！陪佢哋睇多次！照舊：我哋冇睇過，冇影過相 #都係咁好睇」唔少網民讚佢係廿四孝叔叔，好有愛，乘機催佢快啲生番個自己湊！