卸妝出晒事　汪峰唔戴眼鏡個樣老10歲

近期內地一個夫妻檔綜藝節目大受歡迎，當中章子怡同汪峰喺一個環節中抽到「卸妝」任務，佢哋要以真面目示人，正當大家以為男嘅會冇乜分別，而女嘅會有驚嚇效果時，結果竟然係相反！

技巧熟練嘅章子怡兩三下手勢就搞掂，佢嘅素顏同上咗妝比，最大分別係眉毛淡咗好多，其他都相差無幾，加上佢自信嘅眼神，整體都算好OK！而汪峰係全無技術可言，搞咗一輪最終都要老婆章子怡幫手，卸妝後除咗皺紋好明顯之外，佢冇戴眼鏡個Look都好「出眾」，對眼畀人縮叿水嘅感覺，有網民話估唔到會着咁遠，個感覺係汪峰突然老咗十年，搞笑叫佢都係戴番眼鏡先至好上鏡！