張沛樂自爆台上甩轆爆裙：好彩觀眾睇唔到

藝人張沛樂（沙律）、黃頌明、謝珊珊主演的舞台劇《波音情人》叫好叫座，今日已經是最後一場公演，連日來不少圈中人到場支持。首次接觸舞台劇的沙律飾演日本空姐，她竟表示在第一場首演中心情絲毫沒有緊張：「第一場興奮多過緊張，但去到第二場就太過緊張，因為演出期間我條裙爆咗，好彩觀眾睇唔到冇穿煲，不過發生得太突然，當下都有少少不知所措。」

男友林耀聲（阿聲）在首演當日亦有現身撐場，完場後更大讚女友做得夠盞鬼。沙律冧爆笑說由於角色需要，經常在家中用嬌嗲的聲音跟男友說話：「我本身唔係一個好嗲嘅人，但個角色要成日撒嬌，阿聲就係我個練習對象。」