新劇做靚女 蝦頭:男演員要對我禁慾

20190428
東網電視
更多新聞短片
蝦頭同曹永廉都係搞笑之人,合作起嚟應該好有火花。
藝人楊詩敏(蝦頭)出席微電影創作大賽活動,同場還有電影人莊澄。蝦頭透露6月再開無綫劇,今次角色跟以往大不同:「以前我多數係大客串,今次都算係女主角之一,一齊拍仲有視后李佳芯,男演員有陳豪、曹永廉同蕭正楠呢班男神,我個角色係靚女,啲男演員更加係要對我禁慾。」她又稱現時正式踏入電視台的門檻,向花旦進發,為此她最近時刻保持靚女狀態,謹記戒麻甩。
問到蝦頭跟哪位男神有感情線﹖她說和曹永廉有感情戲,問她可擔心對住搞笑的他會忍不住「焗蟹」(即爆笑)﹖她自信說:「係我「焗佢蟹」,我哋識咗好耐,合作過,但未試過有感情戲。」
蝦頭又說和袁富華同屬舞台劇演員出身,對方在金像獎奪得最佳男配角獎,自言也要向電影方面努力,活動現場有不少有志投入幕後的學生,望自己能長做長有,待新一輩幕後人開戲時,會被邀請演出:「我要做到好似紅姐惠英紅咁。」