叫吳業坤影全祼寫真　田蕊妮自己操刀

藝人田蕊妮出席《全城躍動第七屆全港運動會開幕典禮》，之前因她不在港未能出席好友吳業坤的演唱會，所以專登拍了一個短片在坤坤的演唱會上播出，片段中阿田更爆出當年坤坤約她單獨食飯，原來是要她陪他慶祝生日一事。阿田笑言：「當日我唔知呀，但因為當日《超級巨聲2》建立咗好深厚感情，佢又好感激我咪約我出去食飯，但又真係冇諗過會叫我同佢慶生嘅，唔怕單獨對佢，因佢點都唔夠打。」講到傳坤坤追女仔很有料？阿田即落閘謂：「呢個我又唔知佢追女仔叻唔叻喎，係咪啲女仔追佢呀，關於佢同女仔嘅嘢我唔知。」

講到坤坤成功練出腹肌，阿田都讚他厲害，因沒想過他能撇甩「啤酒肚」，更提議他應拍全祼寫真留念。由她操刀來影？阿田笑言都可以，但要他遮住重要部位才會影。