全世界催生B　黃翠如蕭正楠預演湊仔過癮

馬來西亞華裔小姐冠軍吳天瑜上月誕下囝囝Danton，身為吳天瑜好姊妹嘅藝人黃翠如近日就飛到去馬來西亞探契仔，連日嚟仲晒出唔少BB嘅得意相至社交網添！而呢日身在當地拍攝節目嘅蕭正楠亦嚟到會合老婆，佢仲化身「湊仔公」幫手照顧契仔，見Danton冧到爆咁望住佢，佢亦興奮表示：「哈哈哈哈哈...契爺係咪好靚仔呀...哈哈哈哈」，啲父愛出晒嚟！

唔少圈中好友，包括區永權、陳敏之都紛紛催佢快啲生番個，姚子羚更笑指第時可以搵「小三」曹永廉做奶媽。另一邊廂，有老公幫手睇住BB，翠如就同天瑜一齊飲番兩杯，翠如仲留言：「好吧。女人，來個女人之夜。」