又有料爆！梁裕恆指男藝人邀女藝人爆房不遂

落選港男梁裕恆（Flow）自從喺社交網發文力撐黃心穎後，被網民鬧爆，網民直指佢抽水而成為被喪鬧的對象，之後佢又刪除晒撐黃心穎嘅Post，但今日就再度提黃心穎許志安偷食事件，佢話被網民網絡欺凌發表千字文呻爆之餘，表示今次是最後一次提及「安心事件」。不過佢又帶出咗一件事，佢忽然大爆有男藝人曾欲夾女藝人上房，但同時該位男藝人又抽佢水，媽呀！真係好亂。

一直都有指黃心穎有錯

Flow重申黃心穎係有錯，但同時都係受害人，今次自己因出Post而受盡網絡欺凌，仲話好多人用假Account留言惡意攻擊佢：「講番句公道少少嘅說話已經要被攻擊，其中一個原因是，人是不願意接受自己一直相信嘅事係假、錯的，我一直無意挑釁所謂嘅網民，錯在我不知道香港是無言論自由的，我出post後大量是假ac來言語攻擊，大約比例是7成假ac ，2成fans，1成無聊人。」

繼續爆新料

最爆係佢爆出有男藝人曾想夾一位女藝人上房，對方指摘佢抽水之餘，對方又倒轉頭抽番Flow嘅水：「今日又有另一條契弟出嚟話我抽水，我需要抽水？我需要搏出位？呢條契弟喺娛圈圈壞事做盡，曾經想夾一個女藝人上房，最後傾唔掂數，對人講咗句『你以後無運行』自己周身屎嘅人，做咩要提及我啲小人物，抽我水呢，人人都想抽水，但水並唔係咁抽。」