舞台劇圓滿完成!王梓軒獲劉松仁邀再添食

20190429
東網電視
更多新聞短片
王梓軒與劉松仁合作的舞台劇反應不錯。
一連12場的音樂舞台劇《利瑪竇》,終於在周日(28日)圓滿完成,飾演利瑪竇的王梓軒,與樸人麥小妹(陳潔儀飾演),而策劃、導演及創作的劉松仁更在慶功宴時宣布:「呢次我哋合作好愉快!首先多謝各位先,我哋已經接到邀請出年回歸!」
對於反應好加場添食,梓軒說:「如果松哥覺得我呢個小朋友可以捱多12場或巡迴,我梗係話得好啦!其實今次《利瑪竇》係一個旅程,今日(昨日)尾場,或者呢12場嘅成績係未可以講,因為我感受到呢件事會延續落去,可能唔同嘅形式,或者延續喺我自己嘅生命,因為呢12場我感受最深係我未搵完,利瑪竇呢個角色我有好多嘢都未搵到,我依家係第一個階段,感受到知道佢嘅訊息,知道呢個戲嘅意思喺邊,但我相信如果畀多次機會我,我可以做得更加好,所以尾場嘅感受係,既然大家咁鼓勵喇,我哋就繼續努力啦!」
而專誠坐飛機趕返香港的馮寶寶一連兩日到了文化中心捧場,不少圈中好友捧場,包括;楊千嬅、李佳芯、洪永城、梁嘉琪、米雪、鄭丹瑞夫婦、陳家樂、黃子恆、林景程、歐錦棠夫婦、江美儀、朱慧敏、King@C All Star……等等,鄧萃雯亦同樣兩度來支持。