搵連詩雅墊底！周柏豪驚轉數唔夠快失威

歌手周柏豪現身電視城參與節目《娛樂大家》錄影，同場還有蘇永康、森美、連詩雅（Shiga）、菊梓喬、吳若希、戴祖儀等。柏豪受訪時大呻好緊張，笑言私下在同事面前都是飾演一個有智慧、轉數又快的人，擔心會失威：「有睇之前嗰幾集，我認為轉數快、又好聰明嘅藝人，嚟參加節目估唔到反應變得好慢。（邊個藝人？）王梓軒，見佢玩Black Magic零分，但我相信唔會包尾，頂多尾二，因為有Shiga墊底，哈哈！」講到於其中一個環節答錯要被夾上髮夾作懲罰，問到他可會怕整亂頭髮？柏豪說：「有髮型師喺度唔怕，最緊要開心！」

柏豪透露會飛內地一個星期、連去5個城市搞簽名會：「自己都冇去過，每日都要簽800隻碟，呢個禮拜比較辛苦，每日都要搭飛機去遠少少嘅地方見歌迷。（簽完會留低去玩？）完全冇時間，一簽就上機，但同自己同事一齊飛都好開心，大家好似一家人咁。（太太會跟埋去？）佢甚少跟我去工作，我可以專心啲同時，佢都自由啲。」