與趙永洪後樓梯激戰　李美琪經驗少勁緊張

演員趙永洪、李美琪、王宗堯、張建聲、鄧健泓、石詠莉、張沛樂、等在銅鑼灣出席演出的網劇《向西聞記》首播禮。趙永洪與李美琪在其中單元有在後樓梯激烈情慾戲！李美琪表示：「呢場戲係自己拍戲以嚟最激嘅演出，我做主動，錫佢個身體、同埋撫摸佢，自己少經驗，所以好緊張，拍嗰陣出晒汗，胳肋底都濕晒。」

趙永洪則指拍親熱戲男演員相當蝕底，如果沒有溝通，很容易產生誤會，他說：「以前試過拍一場男女朋友見面嘅戲，好簡單輕輕攬一攬，點知停機之後個女仔質問我，你嗰吓咩嚟㗎，我當堂O咗嘴，咁都冇辦法都係我唔啱㗎啦，所以男女身體接觸嘅戲係要好小心。」李美琪則笑說：「咁今次係我要同你講清楚，係我撫摸你。」