石詠莉等公布好消息　鄧健泓凌晨收祝福

藝人鄧健泓與太太石詠莉在銅鑼灣出席演出的網劇《向西聞記》首播禮。鄧健泓被東網拍得與太太石詠莉睇BB車兼出入診所，疑似有喜，他說：「依家BB車價錢相差好達，幾百到幾萬蚊都有，我就好奇留連耐咗啫，其實我哋係揀小朋友禮物。」石詠莉說：「因為我閨蜜生咗小朋友，所以要送禮物。」

鄧健泓對出入診所則說：「嗰啲係正常檢查啦，如果有開心事會同大家分享，但係現階段都係一啲檢查啫，我哋抱住隨遇而安嘅態度，好多朋友關心我哋，收到好多問候、祝福，屋企人都有問，但係都係普通檢查啫。」石詠莉說：「有好消息再話畀大家聽。」

鄧健泓又指陳敏之更在凌晨三點發短訊恭喜，他笑說：「陳敏之話外甥多似舅，聽到佢咁講我好擔心，如果似我同石詠莉都OK嘅。」石詠莉則笑指因她的哥哥膚色很黑。