《法證IV》重拍　黃浩然High爆為黎耀祥慶生

無綫重頭劇《法證先鋒IV》因為黃心穎偷食而嚴重受影響，喺劇中同佢有感情線嘅黃浩然首當其衝，早前仲傳出嬲到爆粗！如今，劇集最終落實重拍，雖然演員要重新配合拍攝，原定工作檔期都有變動，但浩然都似乎鬆一口氣，仲撇低老婆去「滾」添！

浩然喺微博上載合照，留言：「今晚真的很開心，永遠都把對方放在心的好兄弟，約了差不多一年的飯聚，祝我大佬 生日快樂，身體健康」事關過幾日就係視帝黎耀祥生日，佢就同埋黃翠如、蕭正楠、胡定欣、林夏薇為對方提早慶祝，個個都笑得好開心！而祥仔一身家居Look，睇嚟係黎氏大宅喇！