PikaPika！鄭中基麻醉藥未過即為比卡超配音

男星鄭中基與方力申今午現身沙田新城市廣場出席電影《POKÉMON神探Pikachu》首映禮，二人今次合作為電影獻聲，分別為「比卡超」及男主角配音。二人在活動上分享配音時的趣事及感受，鄭中基指自己在配音當日早上去了剝牙，因為打了麻醉針，要在半邊面冇感覺的狀態下配音，問他有否擔心會口齒不清，他就笑指：「我淨係怕會因為冇感覺而咬到自己成口血。」

鄭中基花了兩日時間完成配音，聲演男主角的方力申就花了四日，他坦言配音有難度：「配音真係好辛苦，知道配音員真係好專業，佢哋唔出樣，但係勞苦功高，今次係好好嘅經驗。」他又指未看過配音出來的成果，好期待快些看到電影。

同場仲有鄭中基太太帶同仔女撐場，鄭中基指囝囝扮「比卡超」的叫聲扮得很神似，曾想過找他來配，又指曾試過帶兒子去睇戲，但因為怕黑而未開場就喊住要走：「我試過帶佢去睇恐龍（電影），但最後都係唔得，要返屋企再睇。」不過，他指今天有很多小朋友同場，應該沒有問題。