曲赤亂入《全民造星II》　Rap到老貓燒鬚

30名面試ViuTV《全民造星II》的參賽者中，有兩位熟口熟面，他們是Rapper曲赤和曾參演《青春戰記2 來得及再愛你》的劉頌鵬。現場曲赤老貓燒鬚，Rap得唔好，要求Rap過，至於劉頌鵬先跳舞後唱，花姐即話：「你會賴嘢，不如先唱。」但劉頌鵬竟然拒絕堅持要跳先，結果唱歌時明顯唔夠氣致走音，重唱時一樣唔夠氣，即被花姐窒：「原來唔係唔夠氣，係唔識唱歌。」

花姐彈三彈四

而曾參演《狂舞派》的孖八，花姐問他為何上年不參加，他即自爆去年獲邀參加《熱血街舞團》。自彈自唱時，被花姐彈做作，跟住唱王祖藍的《跌落凡間的天使》，又被花姐彈：「驚現場啲人走晒。」但當表演完他強項跳舞後，花姐改口：「我真心鍾意你。」