《復仇者聯盟4》內地上7日收逾30億人仔

又係超英戰報！漫威（Marvel）晒冷作《復仇者聯盟4：終局之戰》（Avengers:Endgame）近日於全球熱映，中港台率先上映，開畫1周就已經狂破紀錄，截至今午，電影於內地上映7日17小時28分內地票房已破30億人民幣（約34.9億港元），打破月前話題電影《流浪地球》最快破30億人仔紀錄，仲要贏埋於內地狂收27.8億人仔（約32.38億港元）票房嘅《狂野時速8》（The Fate of the Furious），成為內地影史上最收得進口電影，認真唔講得笑！

至於電影於北美上映5日亦預破4億美元（約31.38億港元）票房，成為史上首部上5日就收4億美元嘅電影！此外，有傳近期忙籌備DC電影新版《自殺特攻：超能暴隊》（Suicide Squad ）的導演James Gunn將於明年回歸漫威，開拍《銀河守護隊》（Guardians of the Galaxy）第3集！