囝囝患不治之症　袁文傑甘願用時間換取生命

出名係愛貓之人嘅「游生」袁文傑，佢嘅「主子」尋日10歲生日喇！佢除咗肉緊咀爆囝囝外，感受仲特別深，皆因愛貓患有不治之症，曾接受長達9個月化療：「囝囝10歲了，生日快樂，囝囝以『生命鬥士』姿態出現，每一天吞下不少有毒藥物、大部份（分）時間每週（周）一次覆診、每次覆診又要抽血、每次覆診醫療人員也重覆問著（着）同一問題，我也回應無甚變化的狀況。」

雖然唔係親生骨肉，但游生寧願用自己時間換取囝囝可以生存嘅時間：「雖未回復最高水平，但增磅了我就是開心，直到化療療程完成後，減少、完全停止『類固醇』的過程，囝囝又胃口下降了，是今年1月中開始的事，體重，又減輕了⋯⋯ 近日，當幫囝囝『梳毛毛』時，那把梳很容易便會碰到他的『骨節』，每碰一下，自己心便不舒服，很不舒服！如果可以，用Daddy的一些時間換取你的生命時間，如果可以的話，那就好了！」又表示上周驗血報告，令人不安嘅指數又再上升，相信要再服藥，情況令佢擔心不已！一班網民為囝囝集氣對抗病魔，大讚游生已經做得好好了！