戀翻版王菲？李亞鵬高調拖女浪漫行公園

天后王菲2013年與李亞鵬離婚後，與謝霆鋒重燃愛火，拍拖至今！另一邊廂，李亞鵬都不愁寂寞，多次傳出有新戀情，而尋日就有網民上載一張日間李亞鵬拖住一位戴住黑超嘅短髮女子行公園嘅照片，笑容滿面，似足一對戀人，非常浪漫！有網民就覺得該女子無論衣着打扮、氣場都同王菲有幾分相似，網民都笑佢獨愛「王菲」，不過亦有人質疑照片係舊嘅！

而上個月尾，李亞鵬先被影到揸車接載一長髮女子，所以兩女髮型並不一樣，未知是否同一人呢？

李亞鵬2017年曾被拍得與一名貌似王菲嘅長髮女子現身朋友聚會，兩人行為親匿。2018年又傳撻着內地女星許晴，桃花運相當旺盛！