勁興奮！高Ling入魯營睇巴塞對利記歐聯大戰

藝人高海寧（高Ling）擔任女主角的劇集《婚姻合伙人》將於今個月中首播，稍後會忙於為劇集宣傳，趁住有假期，她去了巴塞隆拿旅行，更在當地魯營球場觀看歐聯四強巴塞對利物浦賽事，非常難得，她在社交網上晒Post：「邊個睇緊波？」呵呵呵......知喇！咪引死啲球迷啦！高Ling接受東網記者訪問時，她謂：「真係好正，自己坐個位又好，全場有差不多99000人，現場睇波真係興奮，我未去過南非拍攝世界盃，好享受喺球場睇波，所以一直都好想搵機會去現場睇，加上我本身好鍾意西班牙波，所以嚟到巴塞點都一定要去睇一場，點知撞正歐聯Semi Final，唔去真係對唔住自己，所以叫朋友幫我買飛，好在最後都撲到。」