黎耀祥返大陸吸曝光率：對自己有幫助

藝人黎耀祥（祥仔）剛剛於內地登台返港，去完順德再去福州，祥仔於內地有一定的市場，甚得客戶歡迎。他受訪時謂：「大陸都有啲活動做吓，趁依家未開劇，而且內地個市場都好大，咪接吓啲工作做，喺內地曝光多啲，都對自己有幫助。」他又指於福州最出名是福州魚旦，坦言：「嗰啲魚旦好大好大粒，裏面有啲豬肉，好大個，我都係第一次食，而去到順德，活動嗰度係一個二手車場，有幸見到一啲我哋拍民初電視劇先見到嘅古董車及名車，算係大開眼界。」