與「Iron Man」拍戲　秋官背熟劇本唔敢Hea

鄭少秋、郭偉亮為ViuTV新劇《詭探前傳》進行拍攝工作，二人現身古董店取景拍攝，由於現場每件家具都價值連城，嚇得二人連坐梳化都小心翼翼。秋官搞笑道有幸與「外國明星」合作拍戲，嚇得要背熟劇本，免得失禮香港演員：「今次見到Iron Man真人，真係好似樣又有型！Eric本身係音樂人，又有才華，真係好厲害！」日前劇情就講到飾演戲班班主黃韻材體罰小童，秋官「睇唔過眼」出手阻止，黃韻材七情上面貌似鞭鞭有力，拍攝前他多次試位，更要求加強保護措施，以免誤傷小朋友。

對於體罰情節，秋官表示不贊成：「我都唔同意體罰，我對自己細路都唔會體罰。好彩自己生的都是女兒，女孩一般比較乖巧！｣ 被問到欣宜有冇試過激嬲他，秋官回答：「佢最多都係唱歌，佢淨係識氹人開心，好多Auntie都鍾意佢！」