又再抱孫！朱玲玲日日都獎郭晶晶

前港姐朱玲玲到尖沙咀出席「慧妍雅集37周年慈善晚會」，戴上名貴頸鏈閃爆登場，對於郭晶晶誕第三胎B女，朱玲玲再抱孫，問會否叫晶晶繼續生？朱玲玲說：「三個差唔多，生唔生佢哋自己決定。（有冇送禮物畀小朋友？）冇乜特別，我哋唔興呢啲嘢。（獎勵晶晶？）日日都獎啦！哈哈！（小朋友似邊個？）似佢姐姐，都似佢媽咪，可能晶晶基因強啲。（最近忙湊孫？）佢哋做父母忙啲，我都幫唔到啲乜嘢。」

問到如何慶祝母親節，她表示日前大孫仔參與了音樂學校的母親節表演，問小朋友是否很大膽？她說：「佢前一晚唔係咁瞓得着，上到台都OK，我哋做爺爺嫲嫲，父母就最開心。（傳授舞台經驗畀乖孫？）我唔識啦！可能佢哋仲叻過我。（等時叫兩個孫女參選港姐？）大嗰個都係兩歲幾咋喎！遲啲睇吓咩樣先。」

對於黃心穎發生「安心偷情事件」，網民認為要褫奪其港姐資格，前港姐冠軍的朱玲玲說：「佢唔係我哋嘅會員，所以唔講咁多，等TVB決定。」