翁嘉穗母親節舉家峇里旅遊

前港姐翁嘉穗到尖沙咀出席「慧妍雅集37周年慈善晚會」，她透露母親節會舉家到峇里旅遊，問到時會否晒泳照？她笑說：「以前都有甫吓，到時睇狀態再決定。（一直有努力Keep Fit？）都有做運動、跳舞同玩瑜伽。」講到其細仔現時3歲多，問到會否栽培他猶如大仔一樣的運動健將？她說：「冇話要有咁大期望，依家有畀佢學畫畫同英文，呢個仔比較靜啲，最緊要睇佢自己嘅喜好發展。」