種有機植物　楊張新悅受白色蟲蟲困擾

前藝人楊張新悅（Nicola）現身《全城有機日2019》，她稱已是第四年參與該活動，並自認是有機媽咪：「我盡可能都會買有機產品，喺出面餐廳食就好難，但自己喺屋企煮就會買有機食材料，其實香港都有好多農產品。（自己有冇種？）有，我有喺露台種葱、小番茄同薄荷葉，我會用咖啡渣同蛋殻去施肥，但我有個問題係經常有白色嘅蟲，但又唔可以用殺蟲劑。」

另外，提到母親節將至，Nicola笑言交給丈夫及小朋友安排，預計會一家人去旅行，並希望母親節當日能品嚐到小朋友親手炮製的早餐：「上年母親節佢哋整咗早餐畀我食，整得好靚，上年情人節就整咗三餸一湯嘅晚餐，我最大嘅女都十歲，所以可以做到，細嗰個都可以幫手切材料，當然買材料就由我負責買。」