咀呂慧儀得罪人　張景淳要擺和頭酒

張景淳憑處境劇《愛．回家之開心速遞》「龔燁」一角人氣高企，講到早前跟「熊若水」呂慧儀劇中的「龔水一吻」成為網民熱話，景淳表示當日一直追緊拍攝進度，絕對沒有「回味」感覺：「今次監製親自監場，每個節奏都捉得好緊，當時喺中環拍到夜晚11點，大家只係想快啲完成。」對於呂慧儀4歲兒子「蟹籽」對媽媽拍咀戲感不滿，景淳笑言知情：「我都識蟹籽，佢其實好明白事理嘅。（買玩具氹番佢？）會呀！擺個『和頭宴』！」又透露劇中「曹總」將會追求呂慧儀，跟「大小姐」林淑敏聯成一線派人害「龔水」，劇情緊湊又搞笑。