今年同全賢武甩拖　韓惠珍唔想再情侶檔做節目

現年35歲的韓國名模韓惠珍去年因與41歲主持人全賢武一同擔任MBC綜藝節目《我獨自生活》而撻着，譜出「長短腳之戀」，而去年年底二人一度傳出分手，但雙方均否認「分訊」，至今年3月才承認已經分手，二人分手後宣布暫時退出《我獨自生活》的主持工作，但強調不是完全退出節目。

而回復單身的韓惠珍今日為朴明秀的電台節目《朴明秀的Radio Show》擔任嘉賓，模特兒出身的坦言在做綜藝節目時有遇到困難：「有時真係覺得幾辛苦，即使節目上係真正嘅我，但都唔會係100%一致，雖然有好努力展現開朗嘅一面，但真係會覺得辛苦。」她指當初以為開始出演綜藝節目就等於模特兒生涯終結，但現在就已經很放得開，而做節目最大的好處時能給人親近的感覺，很開心能帶給觀眾歡笑。

不過韓惠珍就指不會再在節目中跟其他人飾演情侶檔：「我唔會再做情侶檔，螢幕情侶都唔要。」談到結婚計劃，韓惠珍就說：「我結唔結到婚呢？唔係首先要拍拖咩？都冇對象點結婚，如果我結婚一定會請你嘅。」