咀到嘴抽筋！「國光女神」水中生擒金剛

藝人金剛早前宣布剛與身懷32D「胸器」嘅台灣「國光女神」梁云菲（Nana）拍拖，Nana不時喺社交網上載泳衣照騷身材大派福利，睇到一眾網民流晒鼻血！日前趁台灣天氣咁好，兩人去游泳池戲水兼消暑，Nana喺社交網甜蜜晒出男友的視角，相中Nana着上火紅色三點式，喺泳池邊大擺甫士，大騷白滑長腿同靚股，相當吸睛！之後佢仲用雙腳生擒金剛，十足糖黐豆一樣。兩人都有健康膚色，Nana仲留言笑稱佢哋為「黝黑情侶」。