麥貝夷裸晒玉背　變咗麥背兒！

藝人麥貝夷（Karene）向來甚少喺網上分享性感照，今日佢突然晒出一張裸背相，大晒白滑玉背，佢仲只係用床單遮住下身，性感程度爆燈！Karene感性發文表示每個人都唔係完美無瑕，每日都要進步：「相信好多人同我一樣，每日都為更美好的自己加油奮鬥，你們現在看到的雪白美背，曾經也是有瑕疵的，有墨也有疣不太好看。」佢仲話希望大家讚好唔係因為佢露背：「而係因為看到我的努力而表示支持。」而Karene嘅緋聞男友翟威廉亦有留言大讚對方為「美背人」，有網民仲搞笑留言：「麥背兒？ 」Karene則好大方回覆話：「係啊係啊！我有呢個花名㗎！」