張敏粉絲！郁禮賢變身千年巫師吸偶像晴

組合E-Kids成員郁禮賢（Kasa）獲邀出席一大型Hair Show，擔任特別表演嘉賓，見Kasa將頭髮染了白色，眉毛漂白，變身成千年巫師。原來他將E-Kids之前的演唱會其中一個環節改編再搬上了Hair Show的舞台上面。又唱又跳的的他在台上施展渾身解數，一連串勁歌熱舞下，贏得台下不斷的掌聲及尖叫聲。

問到Kasa不斷有台下觀衆叫encore是否好high? 他笑謂：「當然啦！但今次最開心嘅係我心中一直嘅女神張敏竟然係席上嘅觀眾，令到我更加落力，因為自己細個時，都係同大家一樣，睇周星馳嘅戲長大，所以一定格外會留意裏面嘅每一位女主角；而我覺得系咁多個女主角入面，張敏真係靚到數一數二，會令到望住佢嘅男生心如鹿撞！有機會喺女神面前表演，梗係要變成小fans捉緊機會同佢合照啦。」快將牛一，他表示希望可以同師兄EO2，十八年後翻唱《魅力再移動》，或者演唱會更好，又或和內地歌手合唱自己的作品。