吳啟明戥秋官不值：升市水都唔請佢飲杯

「蟹仔」之一吳啟明得聞「老竇」鄭少秋被指「丁蟹效應」再現戥秋官不值，但亦不同意老竇叫人入巿的說法，他認為股票是投資，當然有賺亦有蝕：「我認股巿唔係關秋官事，再講，老竇咁多年嚟太可憐，對佢太唔公平啦，佢個境實在好慘，《大時代》距離依家都成27年，次次跌巿就賴佢，但係升嘅時候，水都唔會請佢飲杯，咁樣太唔公平！（入貨？）我唔同意，我曾經講過唔好買股票，點解叫人唔好入貨呢？因為入咗貨後，如果跌巿，咁點呢？又搵我老竇出嚟算帳呀？所以最好唔好買！」