噴血相率先曝光！羅霖水中影「有料」寫真

「美魔女」羅霖早前透露即將喺7月書展推出新書分享保養心得，近日佢四出為新書影靚相，繼之前喺泰國拍攝日出泳照，呢日佢再出動拍攝水底寫真，仲率先將花絮片上載至社交網，等大家先睹為快！

片中見羅霖喺池邊準備埋位，雖然佢着上浴袍，但依然難掩有料身材，加埋若隱若現嘅桃紅色泳衣，即獲網友直呼期待最後出嚟嘅作品！而羅霖亦有拍片多謝工作人員嘅照顧，拍攝完成後，全體工作人員仲齊齊拍掌歡呼，氣氛相當熱鬧！