人情要緊!蘇姍開演唱會最驚致謝漏人名

20190507
東網電視
更多新聞短片
蘇姍邀得漢洋及一班跟她學唱歌的學生來做個唱嘉賓。
歌手蘇姍為本周五的演唱會進行綵排,邀得好友漢洋及一班跟她學唱歌的學生來做個唱嘉賓,蘇姍稱屆時會演唱經典歌曲,原先已選定了60首歌曲,但樂隊總監則言數量太多,部分歌會改做Medley,現大概有40多首。」
問豈不要記好多歌詞,可需要字幕機幫手?她笑說:「字幕機都係輔助,不過最緊要嘅係致謝環節用嚟提我,因為我好大頭蝦成日都會講漏人名,有啲人唔會介意但有啲就好介意,我試過有朋友事後同我講點解唔多謝佢。」
蘇姍又謂本來很多圈中朋友都想來支持,但撞正好多商演,她說:「家燕姐本來話會嚟,不過因為佢要做騷,梁競徽、袁偉豪同紅姐(惠英紅)就撞正佢哋部劇《鐵探》大結局食飯,所以都嚟唔到,但袁偉豪話雖然自己嚟唔到,都叫我記得留張飛畀佢,因為佢阿媽係我Fans要嚟睇。」