水着出動！陳約臨鄭融隋棠晒Body

東網電視

爽呀！

正所謂「夏日為大地帶來美腿」，唔少女星都出動「同陽光玩遊戲」，趁機盡晒弗爆Body，實行大派福利。近日不斷晒水着相嘅歌手鄭融，呢日再出招，post出去沙灘打排球嘅靚相，相中見佢雖然以黑色一件頭泳裝上陣，但側邊嘅開窿綁帶設計，若隱若現咁展示出美腿，認真夠晒惹火！

而藝人梁靖琪（Toby）亦同樣以長腿「應戰」，佢相約好姊妹鍾麗淇曬太陽，然後再高抄自拍晒出靚腿，之後再「加碼」甫出露膊自拍照，相當性感！至於正喺布吉島旅行嘅無綫藝人陳約臨亦有晒出泳衣照，佢着上藍色比堅尼又「瞓身」擺出多個甫士，引死一眾男粉絲。

另一邊廂，台灣藝人隋棠亦出動曬太陽，以比堅尼上陣嘅佢曬到成個白滑玉背變紅晒，似乎係曬傷咗，真係睇見都戥佢覺得痛！

on.cc東網