封尹光做偶像！譚杏藍自誇識唱晒佢啲歌

歌手譚杏藍（小花）出席網上live騷，有網民問她何時跟尹光合唱，她即哈哈大笑。事後小花解釋識她的朋友都知尹光是她為偶像：「我13、4歲就聽佢啲歌，識背晒啲歌詞，《荷里活有間大酒店》…《七個小矮人》…喺卡拉OK、Party、Annual Dinner都會唱。（Annual Dinner都唱得？）咁梗係講自己公司嘅晚宴啦，不過如果有客要求我唱。」

問到可有試過同台？她說：「有一年做澳門騷有佢，朋友仲專登同佢講我識唱晒佢啲歌，之後尹光就捉埋我上台唱，嗰次真係圓咗我小粉絲心願。(不如同尹光出一首合唱歌？)慢慢啦，等我歌手身份被大家認受性高啲，做好自己先。」