陳柏宇有強大基因　遺傳啲咩畀囡囡？

歌手陳柏宇（Jason）出席遺傳性疾病活動，他表示跟太太都有做身體檢查，幸好都沒有問題，問到遺傳了甚麼給囡囡？他笑言是表情和夜瞓，問到可有遺傳音樂天分給囡囡？他表示：「佢識分唱歌同講嘢，都幾叻，爹哋媽咪唱歌或講嘢佢識分，我哋唱歌佢都會跟住一齊咿咿呀呀，但睇電視播兒歌就未識跟住一齊唱。」他又謂昨日帶了囡囡出一日街，現時已學識不再帶很多東西出街：「其實最緊要帶尿片同食物，之前我哋係好似搬屋咁，帶好多嘢出街，但其實好多嘢都唔會用，依家其實一個背包都得。」

講到母親節將至，是太太生B後首個母親節，他表示當日要開工，但特地訂枱提早一小時食飯，食完才開工，問到可會買甚麼禮物送給太太？他笑言：「吸塵機，其實最好唔好買咁多嘢，母親節送嘢畀佢，父親節佢又買嘢畀我，即係嘥錢，使咗太多錢，之前返咗加拿大，又有啲使費，連續幾個月啲卡數睇到我呆咗，雖然太太係買屋企嘢同BB嘢，但我叫佢唔使買咁多。」