替死鬼？羅拔唐尼暗爆《復仇者4》另一結局

漫威（Marvel）超級英雄話題作《復仇者聯盟4：終局之戰》（Avengers:Endgame）上映至今已差不多半個月，隨住導演羅素兄弟（Russo Brothers）宣布解除「劇透封口令」之後，片中一眾演員都連日來於社交網公開絕密拍攝花絮片。

當中「鐵甲奇俠」羅拔唐尼（Robert Downey Jr.）就公開魁隆與幾位超英爭奪無限手套的重頭戲花絮片。片段中見到魁隆「一抽三」鍊住「美國隊長」條頸並猛力摔佢落地。而旁邊仲有瞓在地上的「雷神」。唐尼更留言形容「雷神」瞓得好冧。片段曝光後，惹來一眾粉絲網上熱烈討論。有不少粉絲認為條片係未曝光另一結局，安排「美國隊長」與「雷神」戰死而唔係「鐵甲奇俠」！

另一方面，導演羅素兄弟（Russon Brothers）日前受訪時亦踢爆原本唐尼在片中「撻完手指」就冇對白，但佢哋剪接時發現需要佢回應「魁隆」，剪接師更提議用上「鐵甲奇俠」嘅經典對白：「I am Iron Man！」導演即時安排補拍，但唐尼就一度拒絕，後來被金牌監製好友祖舒路華（Joel Silver）游說下才肯講呢句咁經典嘅對白。