認煮飯畀王菲食　女友點樣評味道霆鋒咁答

藝人謝霆鋒除咗有歌手同演員嘅身份之外，近年佢嘅廚男形象亦都得到大家認同，呢日佢為自己家品牌「鋒味」去咗台灣出席宣傳活動，期間被問及會否煮嘢食畀女友王菲品嘗時，霆鋒瞪大眼望實鏡頭好肯定咁話：「當然會啦！」不過講到王菲對佢煮嘅嘢食畀乜嘢評價時，佢就保持神秘話：「這就不說了。」

喺活動入面佢唔係得個講字，親身上陣教點樣自家製麵，由搓麵糰到變成一條條，佢都係即場示範，期間佢出力搓麵糰搓到有啲氣喘，搞笑話製麵嘅運動量好足夠，根本唔需要去健身室！現場所見喺霆鋒左邊面有幾條都好明顯嘅傷痕，佢解釋係因為拍電影《怒火》時被打傷所致。