最高60度!陳貝兒撒哈拉曬到暈身體留印記

20190509
東網電視
更多新聞短片
60度……點頂呀?
藝人陳貝兒(Janis)最近正忙於為節目《嫁到這世界邊端3》開工,飛到世界各地四出尋找人妻。最新一站佢就去到撒哈拉沙漠,佢喺社交網晒出多張近照,相中見佢入鄉隨俗,換上當地嘅服飾,大歎各式美食之餘,又同駱駝合照,實行寓工作於娛樂。雖然有得食又有得玩,但其實「有苦自己知」,由於每日拍攝時間長,令她開始體力不支作病,加上當地出名氣溫高,Janis表示:「上次喺土耳其中暑入院,所以今次一聽到沙漠都驚自己頂唔住,喺呢邊定居嘅撒哈拉港女,話佢個沙漠王子同佢講過,呢度夏天 7、8 月可以去到 5、60 度……好彩依家只係 5 月中,不過其實都日日成 3、40 度,我哋惟有勁飲水補給啦!」面對烈嘅陽光已經極速曬黑咗,佢搞笑話當係嚟到撒哈拉嘅印記。
Janis坦言最辛苦是中午時分拍攝:「真係曬到有啲暈暈哋,不過能夠嚟到撒哈啦係我成世人嘅心願,幾辛苦都值得,而且苦中有啲『甜』,就係有位旅館老闆請我哋飲茶,佢話係當地禮儀,根據傳統落咗好多糖落啲茶度,都幾得意。」