男神突然封盤!35歲張孝全秘婚生埋仔

20190509
東網電視
更多新聞短片
張孝全結咗婚兼做咗老竇!!!
台灣35歲男神張孝全今日被爆已婚兼做埋爸爸,與拍拖2年多嘅圈外女友早已註冊結婚,去年12月仲生埋仔添!對於傳聞,張孝全承認此事,其經理人表示:「是開心的好事,只是他的個性一向不太會主動公開談論自己的私事,所以就順其自然。」
有指張孝全與太太年齡相近,雙方曾喺20幾歲時短暫拍拖,但因相隔兩地而分手。而兩人喺2016年底重遇,愛火重燃!據身邊友人透露,張太外表甜美,唔只老公鍾意,連奶奶都好錫呢位新抱仔!
靚仔有型嘅張孝全18歲出道,2006年以青春同志電影《盛夏光年》成名,同時提名金馬獎最佳新演員及男配角獎,2012年再憑《女朋友。男朋友》問鼎金馬影帝,事業非常順利,如今愛情都得意,真係戥佢幸福呀!