大膽過男仔！麥明詩驚喜晒情趣內衣冧男友

前港姐麥明詩（Louisa）出席內衣活動，但就密實現身，只露出纖腰部分較為輸蝕！她笑言今日主要Sell身上睡衣的功能性：「呢件睇落都健康性感。（屋企件睡衣性感？）要睇心情同對手，例如去旅行唔知係同哥哥瞓定父母瞓。（咁如果同男友瞓呢？）唔好提啲傷心事！但如果同將來嘅老公瞓，我會好有情趣，仲大膽過啲男仔！」問到如果追求者送贈情趣內衣會接受？她即耍手擰頭說：「唔好，我想主導成件事，想喺過程取悅到對方，畀到Surprise佢，畀番我揀會自主啲，不過都會問吓對方鍾意咩，以往男友有鍾意我保守啲，有啲鍾意我着白色、黑色，所以問清楚好啲！」

母親節將至，問到可會即場挑選內衣給母親作母親節禮物？她即謂好提議：「依家買畀媽媽，等佢6月嘅時候着畀爸爸睇做父親節禮物，一件事可以滿足到兩個人。」