被鄧佩儀進擊！周柏豪讚對方係好女仔

藝人周柏豪出席品牌開幕活動，對於最近被指鄧佩儀（Gloria）向他主動出擊，他即解釋並力撐對方：「呢件事好突如其來，套劇拍完咁耐先傳！鄧佩儀係個好sweet，對所有人都好好嘅女仔。講真我都有睇網民留言，開心係有明眼人，但都有啲好偏激嘅攻擊，好戥佢唔抵囉！坦白講，拍劇嗰排日日都對住，男同女都可以係好好朋友，唔一定係有咩關係。（太太識唔識佢？）唔識，但有common friend，同埋佢都係我隔籬屋苑鄰居，我有車埋佢返屋企，都有同太太講。（佢不時送禮物畀你？）咪淨係我生日嗰一次。（有冇同太太解釋？）我一日收五、六樣，冇咩好解釋。佢係個好叻嘅太太，就算有唔鍾意嘅情緒，都唔會表露出嚟令我難受。佢知我工作會有呢啲連帶新聞，全世界唔信我都唔緊要，佢相信我就ok。」最後更再一次大讚Gloria是個好女仔。