心痛死Patrick Sir！關宛珊坐關愛座捱批

有Patrick Sir之稱嘅《東張西望》主持林溥來最近豪擲3千萬買樓，不過其妻關宛珊（Kimmy）就非常唔好彩，早前不幸發生家居意外，搞到腳趾骨斷裂，本來已經行動不便，點知仲「禍不單行」，乘搭公共交通工具時受盡人情冷暖，認真陰功！

佢喺社交網發長文，指有次搭港鐵時為咗等大家知道佢有傷在身，已經特登揀坐關愛座，點知就畀身邊嘅長者冷言冷語「單單打打」，又開到聲叫佢讓座，之後Kimmy亦好聲好氣解釋自己嘅傷勢，不過對方竟然「零反應」漠不關心，即令佢大感委屈，表示：「讓我不悅的是她大可以禮貌的跟我說…而不是在旁邊單單打打…更不應該在不清楚情況下只憑外表去妄下定論啊~ 我本認為我故意選擇坐到關愛座…大家都會知道我是有需要的～」