三變四！黃婉曼影大肚寫真等BB出世

即將「卸貨」嘅藝人黃婉曼（Icy）拍攝大肚寫真留念，仲喺網上晒出多張溫馨照。着上白色紗裙嘅Icy，腹大便便，手拖着同樣着上白色裙嘅囡囡Kyra，仲一副好慈愛嘅眼神望住囡囡，畫面相當有愛。其中一張Kyra仲獻花畀爸爸，實行冧爆前世情人，難怪氹得爸爸笑得咁開心，之後Icy再晒有一張抱住囡囡向佢送吻，而老公就攬着佢，睇見都覺得好幸福，相信Icy好期待新生命來臨，難免佢都話：「期待我們的三變四。」