活到老學到老！何倍倩飛美國讀博士課程

名媛何倍倩（Anina）出席活動，近排Anina籌備緊以區塊鏈科技嘅App，佢話即將推出：「嚟緊9月會推出，呢個app唔單止係講食物安全，連時裝物料同物件都可以睇到有冇有害物質喺入面。」Anina透露即將去美國南加州大學讀博士課程，佢話可以將個App放埋落論文研究，一舉兩得。

嚟緊星期日母親節，Anina話會簡簡單單一家人食餐飯慶祝，她說：「小朋友通常會整心意卡畀我，但我就比較緊張同媽咪慶祝，因為媽咪湊大我都好辛苦。（準備送乜畀媽咪？）食飯一定有，花同心意禮物我都預備咗，最緊要係每一日對媽咪好啲，珍惜同佢相處時間。」