包頭做戲回響大!梁競徽瞓緊覺都被摷醒

20190510
東網電視
更多新聞短片
梁競徽瞓緊覺都被摷醒做訪問。
藝人梁競徽出席劇集《鐵探》大結局飯局,他表示今朝收到《東張西望》的電話,以為發生甚麼大件事:「當時我瞓緊覺,佢哋話要訪問我,我即時醒晒。後來先知原來我包住頭嗰場戲個回響好大,觀眾好大反應。(你以為自己做錯事,所以好驚?)唔係,我即時諗係咪我身邊嘅熟人出咗事。」他坦言自從結婚生生仔後,已經愈來愈定性:「我同朋友食飯飲酒都唔會飲到好醉,而且會早啲出去食,早啲返屋企瞓。」
對於劇集反應好,會否有機會拍前傳或續集?他謂續集比較難,因為劇中很多角色已經死了:「我聽編審講過,其實我哋套劇嘅所有角色都可以寫到十集嘅戲,如果想開前傳都好,大家可以再合作。我都好鍾意我個角色,經常停留喺我心目中。」提到觀眾對他跟蔣祖曼這一對很受落,問兩人有否多了情侶檔的工作機會?他說:「情侶檔就唔會,因為我同佢本身都結咗婚,大家都認識對方嘅另一半,不過如果有工作一齊做,我唔介意,有廣告搵我哋拍就更好,如果我自己一個人代言就更加好。」