《鐵探》「入侵」校園　梁競徽出呢招氹細路

藝人梁競徽時不時私下都會與朋友參與慈善團體的探訪活動，而趁着母親節快到，他與郭政鴻、莫家淦、方紹聰（奶仔）及音樂人翟俊威齊齊到一間幼稚園探訪，與小朋友及媽媽們過了愉快的一日。

說到現為人父，與小朋友相處應該沒有難度時，競徽謂：「我同郭政鴻都好啲，未做爸爸真係未必識同佢哋相處，我以前未做爸爸都唔識，佢哋只得K2、K3，我哋講嘅嘢佢哋好多都唔明白，最好笑講首歌佢哋唔識嘅，佢哋冇乜反應，反而佢哋媽媽有感受多啲。」

他表示現場與小朋友唱BB歌，又謂：「好奇怪有三、四位小朋友係有睇《鐵探》，佢哋認得我同奶仔，佢哋認得我係谷Sir，奶仔係壞人。」本來他們唱《世上只有》給小朋友聽，誰不知全部都沒有反應，結果應小朋友要求唱超人歌呢！