憶亡母爆喊！田蕊妮：我好掛住媽咪

視后田蕊妮（阿田）盛裝現身張敬軒投資的餐廳，與粉絲們見面和舉行抱抱會。席間她演唱送給亡母的新歌《最親》前，已變身大喊包，當歌詞提及與媽媽生前的軼事時，阿田更不停流淚，要助手遞紙巾。阿田獲爸爸、奶奶及嫂嫂等現身捧場，不過家人拒絕上鏡。她表示晚上會與家人提早慶祝母親節，由老公親自下廚。她又大讚奶奶開通：「佢會自己搵節目，好似母親節佢就去旅行，平日又注意飲食及健康，一啲都唔使我哋擔心。」

談到灌錄「最親」，阿田笑言自己冇用：「每次都喊，錄咗10次都係咁，一提起媽媽就忍唔住，希望下次叻啲，唱晒成首歌。（依家過母親節係咪已經好啲？）我仲係好掛住媽咪。」台上分享時，她自爆年幼時因自己身患哮喘，媽咪要捱眼瞓抱着她睡，直至母親離世前，她反過來抱着對方哄她入睡，記者指她相當孝順，阿田卻謂：「孝順係幾多都唔夠嘅。」